Data di nascita

?

Periodo di riferimento

Settembre 1199

Data della morte

?

          

Cosa si sa

Ottone Giudice è, con Oberto Melegoso, console di Diano.

Non conosciamo il luogo e la data della morte.

[N.d.A.] Non sappiamo se questo Ottone sia uno di quelli di Ventimiglia, uno di Genova o nativo di Diano. Nel primo caso potrebbe essere quel console ventimigliese che, con Ottone Nolasco e Lecario, si reca nel 1198 a Genova per offrire un trattato di sottomissione al podestà e al consiglio degli anziani della repubblica. Nel secondo caso potrebbe essere quello che partecipa al giuramento annuale dei testimoni ufficiali del comune di Genova nel 1201.

Documenti

Qui di seguito è riportata una serie di documenti riguardanti il personaggio in oggetto.

Clicca qui a sinistrasopra sulle singole voci per vederne il contenuto.
1199 ASulla convenzione col comune di Genova20 & 24 settembre 1199

Sulla convenzione col comune di Genova

20 & 24 settembre 1199

Ottone Iudex è console di Diano e, con un atto del 22 e 24 settembre 1199, si impegna ad osservare la convenzione imposta dal comune di Genova.

453✓

1199, settembre 20 e 24, Diano

Oberto Melegoso e Ottone Iudex, consoli di Diano, si impegnano ad osservare la convenzione imposta dal comune di Genova, successivamente approvata dagli altri consoli, in publico parlamento.

Conventio Diani.

In nomine Domini amen. Nos Dianensium consules Obertus Melegosus et Otto Iudex promittimus et convenimus pro comuni nostro vobis domino Beltrami Christiano, Ianuensium potestati et vobis Nicole Malono, Ingoni Longo, Symoni de Camilla et Belmusto Lercario rectoribus, pro vobis et sociis vestris Oberto Malocello et Manfredo Picamilio, nomine et vice comunis Ianue stipulantibus, et quod illud idem per omnia promitti et conveniri faciemus speciali a misso vestro illuc propterea destinato a sociis nostris consulibus Bartolomeo de Paiario, Willelmo Sacherio, Bonovillano de Bullito et Rubaldo de Borello, quod nos consules faciemus seu potestas vel consules Diani qui pro tempore fuerint et populus Diani ab hac die in antea ostem et cavalcatam per mare et terram et collectas pro posse nostro et specialiter pro guardia portus Bonifacii in ordinatione potestatis vel consulum comunis Ianue qui pro tempore fuerint in regimine civitatis. § Deveta omnia que potestas vel consules comunis Ianue qui pro tempore fuerint fecerint ea d et tenebimus firma et inconcussa sicut ipsa potestas vel consules comunis Ianue qui pro tempore fuerint propriis litteris suis vel nuncio nobis mandaverint. § Si vero aliquis de districtu in devetum ipsum ceciderit, capiemus nos consules vel potestas vel consules Diani qui pro tempore fuerint pecuniam illius et in virtute potestatis vel consulum comunis Ianue qui pro tempore fuerint tantum ex ea mittemus nos consules vel potestas seu consules Diani qui pro tempore fuerint quantum fuerit devetum ipsum, id est pena ipsius deveti, et vindictam in eum faciemus nos consules vel potestas seu consules Diani qui pro tempore fuerint sicut potestas vel consules comunis Ianue qui pro tempore fuerint in cives suos facere tenebuntur. § In legationibus quas potestas vel consules comunis Ianue qui pro tempore fuerint de cetero fecerint pro comuni utilitate nos consules expendemus vel potestas seu consules qui pro tempore fuerint et populus Diani pro libris nostris sicut Ianuenses in predictis legationibus expenderint. § Pactum aliquod cum aliqua persona de cetero non faciemus nos consules seu potestas qui pro tempore fuerint sive populus Diani in quo predicta conventio per omnia non salvetur et exceptetur et si contrafecerimus vel factum fuerit, nos de pacto illo quam cito poterimus bona fide exiemus. § Ianuensibus et hominibus eorum districtus de hominibus nostris seu de districtu nostro conquerentibus nos consules faciemus vel potestas seu consules Diani qui pro tempore fuerint iusticiam secundum bonos usus infra dies quadraginta continuos post factam reclamationem nisi quantum licentia conquerentis aut testium seu dilatione remanserit. § Si bona alicuius Dianensis vel aliquorum laudata fuerint et in solutum data per potestatem vel consoles Diani qui pro tempore fuerint alicui Ianuensi vel aliquibus seu de districtu Ianue, potestas vel consules qui pro tempore fuerint et populus Diani per bonam fidem adiuvabunt ipsum Ianuensem vel ipsos seu de districtu Ianue bona ipsa tenere et manutenere et inde facere prout de suo proprio quicquid voluerint contra ipsum vel ipsos quorum predicta bona extiterint. § Litteras, nuncios et precepta potestatis vel consulum comunis Ianue qui pro tempore fuerint bona fide et sine fraude suscipiemus, audiemus et exaudiemus aut executioni mandabimus nec ipsorum litteras, nuncios et precepta sub aliqua fraude suscipere et videre differemus vel vitabimus nos consules vel potestas seu consules Diani qui pro tempore fuerint. § Si de contractibus et conventionibus factis extra Ianuam inter Ianuensem et Dianensem discordia emerserit et specialiter dictum fuerit quod Ianue debeat inde recognosci et iudicari, Ianue cognoscatur et iudicetur, alioquin actor forum rei sequatur, excepto de eo quod acciderit postquam de terra mota fuerit navis que si Ianuam venerit, Ianue et si Dianum venerit, Diani cognoscatur. § Universos euntes et redeuntes per partes nostras, terra vel mari, qui Ianuam iverint vel de Ianua redierint aut venerint et specialiter illos qui cartam securitatis vel fidutiam potestatis seu consulum comunis Ianue qui pro tempore fuerint habebunt salvabimus et non offendemus in personis et rebus nos consules vel potestas seu consules qui pro tempore fuerint et totus populus Diani nisi ordinatione et mandato potestatis vel consulum comunis Ianue qui pro tempore fuerint. § Galeam quoque vel aliquod lignum cursale armari infra fines nostros vel de partibus nostris et districtu exire non permittemus nos consules vel potestas seu consules qui pro tempore fuerint in Diano quin primo comitus vel comiti, nauclerii et ceteri qui in ipsis lignis potestatem habebunt iurent et securitatem prestent de nulla offensione facienda in Ianuensem aliquem vel homines de districtu Ianue aut aliquem de amiciciis Ianue qui nobis de pace observanda teneatur per conventionem vel pacem cum ipsis Ianuensibus factam aut aliquem vel aliquos qui Ianuam vadant vel inde exeant, excepto in armis, vianda et sartia prout moris est cursalium et tunc moderate et sine fraude eis necessaria. § Lignum cursale non recipiemus nos consules vel potestas seu consules Diani qui pro tempore fuerint nisi mandato potestatis vel consulum comunis Ianue qui pro tempore fuerint. § Rassam vel iuram cum aliqua persona de riveria vel aliquo loco factam cassabimus et inde prorsus eos absolvemus qui nobis exinde tenentur et ab eis absolutionem adinvicem accipiemus nec postea in ipsam vel similem intrabimus. § Nullum forestatum vel bandiçatum per potestatem seu consules comunis qui pro tempore fuerint in tota nostra iurisdictione recipiemus pro stallo facto, id est ad habitandum, nos consules vel potestas seu consules Diani qui pro tempore fuerint, immo si contigerit aliquem eorum apud nos seu districtum nostrum venire et morari, si per potestatem vel consules comunis Ianue qui pro tempore fuerint inde commoniti erimus litteris vel nuncio, infra triduum ipsum vel ipsos bona fide de districtu nostro expellemus nec postea nos consules vel potestas seu consules qui pro tempore in Diano fuerint ipsum vel ipsos recipiemus. § Guerram vivam contra omnes homines faciemus nos consules vel potestas seu consules qui pro tempore fuerint et totus populus Diani in ordinatione et mandato potestatis vel consulum comunis Ianue qui pro tempore fuerint et specialiter contra Vintimilienses nec mercatum eis dabimus nec dari faciemus nec consentiemus. § Hanc totam conventionem iurabit potestas seu consules Diani qui pro tempore fuerint in unoquoque anno super animam populi Diani firmam et inconcussam tenere et observare et nullo modo contravenire. § De quinque vero in quinque annis renovabuntur per omnia huius conventionis sacramenta per potestatem seu consules qui tunc fuerint, consiliatores et totum populum Diani ab annis XV usque in LXXª si tamen per potestatem vel consules comunis Ianue qui pro tempore fuerint requisitum fuerit et nisi eorum licentia remanserit. § Iurarunt insuper prenominati consules hanc totam conventionem bona fide facere iurare per alios socios nostros consules et omnes consiliarios suos atque universum populum Diani ab annis XV usque in LXXª. § Si vero aliquis Dianensis contra pactum istud fecerit vel venerit, nos consules vel potestas seu consules Diani qui pro tempore fuerint faciemus inde vindictam in ordinatione et mandato potestatis vel consulum comunis Ianue qui pro tempore fuerint. Actum Ianue, in capitulo. Testes convocati fuerunt ad hoc Porconus, consul placitorum, Nicola de Maraboto, Willelmus Pancinus, Otto Gontardus, Otto Ususmaris, Paganus Hugonis de Volta quondam y, Donumdei Camergi, Opiço de Sauri, Willelmus Provincialis, Tomas Cigala et Oglerius Panis. Anno dominice nativitatis millesimo centesimo nonagesimo nono, indictione prima, vigesimo die septembris.

§ Hanc totam conventionem apud Dianum promiserunt insuper et convenerunt per omnia pro comuni suo atque iuramento firmarunt Bartolomeus de Paiario, Willelmus Sacherius, Rubaldus de Borello et Bonusvillanus de Bullito, consules Diani, Ingoni Longo rectori, misso specialiter propterea illuc a potestate Ianue et sociis suis rectoribus in Diano, in publico parlamento, testibus ad hoc convocatis Arnaldo iudice, Aicardo Tiburio, Gandulfo de Guilia, Ansaldo Guapello, Odone Lormanno, Roderico, Odetione, Balditione de Alentino, Girardo de Lacu, Ans(aldo) de Sicca, Ans(elmo) de Servo, Aicardo Cavarunco et aliis quampluribus, vigesimo quarto die septembris.

(S.T.) Ego Lantelmus, notarius sacri palacii, hoc exemplum ab autentico Dianensium consulum, duobus cereis sigillis munimine sigillato, unum quorum erat sigillum comunis Ianue, in quo erat sculptum quedam forma grifi inter pedes tenentis aquilam et vulpem, cuius littere propter nimiam vetustatem circumscripte multum bene legi non poterant, in altero vero videbatur esse forma cuiusdam aquile, cuius circumscriptio discerni non poterat multum bene, prout in eo vidi et legi transcripsi et per omnia exemplavi, nichil addito vel diminuto preter punctum vel litteram, titulum seu sillabam, et hoc absque ulla mutatione, corruptione seu diminutione dictionum vel sensus, ad quod corroborandum, iussu domini Pegoloti Ugueçonis Girardini, propria manu subscripsi. Erat quoque in eo medium alfabetum per quod videbatur esse divisum ab alio exemplo, licet in eodem de alio nulla fieret mentio, forma cuius talis est.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 14-19.