Sul debito del vescovo di Savona

14 aprile 1218

Raimondo Iudex è testimone in un atto del 14 aprile 1218 col quale il vescovo di Savona contrae un debito di 300 lire di genovini nei confronti del comune di Savona.

467✓

1218, aprile 14, Savona

Pietro, vescovo di Savona, contrae un debito di 300 lire di genovini nei confronti del comune di Savona per restaurare il castello di Spotorno, concedendone l’uso al Comune in tempo di guerra, a condizione che gli uomini di Spotorno non siano gravati dall’imposizione di nuovi tributi.

Mutuum factum per dominum Petrum, episcopum Saonensem, nomine ipsius episcopatus.

(S.T.) Anno Domini millesimo ducentesimo decimo octavo, inditione sexta, die sabbati XIIII intrantis aprilis. In presentia testium infrascriptorum fuit confessus dominus Petrus, episcopus Sagone, se mutuo accepisse, nomine episcopatus Sagone et pro utilitate ipsius episcopatus, a domino Montenario de Guechis, potestate Sagone, nomine comunis Saone, libras CCC ianuinorum et specialiter pro altando castro Spolturni, renuntians exceptioni non numerate pecunie et hoc fuit confessus presentibus et volentibus et ei consentientibus domino Gregorio, preposito ecclesie Sancte Marie de Castello de Sagona, et presente domino archipresbitero et domino Gregorio de Papia et domino Rubaldo presbitero et domino Ottone de Cherio et magistro Enrico de Cario, canonicis predicte ecclesie Sancte Marie de Sagona, quos denarios ei stipulanti, nomine dicti comunis, vel certo nuncio dicti comunis dare et solvere promisit quandocumque fuerit ipsius voluntas vel alterius qui pro tempore sit in regimine civitatis Sagone. Et insuper promisit ei, stipulanti nomine dicti comunis, quod concedet ei precario et omnibus aliis qui pro tempore fuerint pro comuni Sagone hinc inde in perpetuum quod ipsi habeant et habere possint castrum Spolturni munitum et scaritum ita quod dictum comune et omnes qui fuerint pro ipso comuni possint se adiuvare contra omnes personas cum quibus comune Saone hinc inde guerram habebit semper cum fuerit voluntas ipsius domini Montenarii et aliorum qui de cetero fuerint in regimine civitatis Saone, eo salvo quod proinde comune Saone vel alius pro ipso comuni ab hominibus de Spolturno proinde nullam aliam exactionem petere debeat vel possit et semper cum comune Saone de guerra venerit ad pacem libere et quiete dictum castrum remaneat episcopo et Ecclesie Saonensi. Et sicut dictum est supra promisit observare in perpetuum per se et successores suos ipsi domino Montanario et omnibus aliis qui pro tempore fuerint pro dicto comuni et pro his omnia bona dicti episcopatus ipsi domino Montenario, nomine dicti comunis, pignori obligavit, presentibus et volentibus et consentientibus canonicis predictis. Et versa vice dominus Montenarius, nomine dicti comunis, per se et per omnes alios qui pro tempore fuerint pro dicto comuni, promisit ipsi domino Petro, stipulanti nomine dicti episcopatus, observare in perpetuum de dicto castro et de hominibus eius sicut dictum est supra et pro his omnia bona dicti comunis, nomine ipsius comunis, ipsi domino Petro, nomine dicti episcopatus, pignori obligavit. Et sunt inde duo instrumenta unius tenoris. Actum fuit hoc in Saona, in palacio ipsius episcopi. Interfuerunt testes Truchus de Trucho, Bonusiohannes Masconus, Bonusiohannes Iolta, Detesalvus Taconus, dominus Raimundus iudex comunis Saone, dominus Albertinus, miles dicti domini Montenarii.

Ego Ambrosius, notarius sacri palatii, hanc cartam abreviatam per manum Uberti de Mercato notarii, precepto domini Oberti Paxii, iudicis domini Iohannis Spinole, Saonensium potestatis, extraxi et sic scripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 65-67.

Su un ulteriore debito del vescovo di Savona

9 ottobre 1218

Raimondo Iudex è testimone in un atto del 9 ottobre 1218 col quale il vescovo di Savona contrae un ulteriore debito di 300 lire di genovini nei confronti del comune di Savona. Con lui è un certo Iordanus Iudex.

468✓

1218, ottobre 9, Savona

Pietro, vescovo di Savona, contrae un debito di 300 lire di genovini nei confronti del comune di Savona per restaurare il castello di Spotorno alle stesse condizioni di cui al n. 467.

Mutuum factum per dominum Petrum, episcopum Saonensem, nomine ipsius comunis.

(S.T.) Anno Domini millesimo ducentesimo decimo octavo, indictione sexta, die martis VIIII intrantis octubris. In presentia testium infrascriptorum dominus Petrus, Saonensis episcopus, presentibus et volentibus et consentientibus domino Gregorio preposito et domino Petro archipresbitero et domino Rubaldo preposito et magistro Henrico de Cario, canonicis ecclesie Sancte Marie de Castello de Saona, fuit confessus se mutuo accepisse, nomine ipsius episcopatus et pro utilitate ipsius episcopatus et specialiter pro aptando castro Spolturni, a domino Montenario de Guetiis, potestate Saone, nomine comunis Saone et de denariis ipsius comunis, libras CCC Ian(uensis) monete, renuntians exceptioni non numerate pecunie, quos denarios ei, stipulanti nomine dicti comunis, vel certo nuncio dicti comunis dare et solvere promisit quando fuerit voluntas ipsius domini Montenarii vel lterius qui pro tempore fuerit in regimine civitatis Saone et proinde confirmavit ei, nomine dicti comunis, concessionem et promissionem concessionis quam fecit dicto domino Montenario, nomine dicti comunis, de castro et de villa Spolturni vel hominibus quando accepit ab eo seu confessus fuit accepisse alias libras CCC de denariis dicti comunis pro aptando dicto castro, ut continetur in carta inde facta a me Uberto notario, hoc eodem anno, die sabbati XIIII intrantis aprilis. Et fuit confessus quod omnes istas libras CCC et alias predictas libras CCC expendiderat in aptando dicto castro et loco Spolturni ad utilitatem et pro utilitate dicti episcopatus et predicti canonici, pro ipso episcopo et pro capitulo Saonensis ecclesie et nomine ipsius episcopatus et ipsius capituli, obligaverunt pignori proinde ipsi domino Montenario, nomine dicti comunis, omnia bona dicti episcopatus habita et habenda et promiserunt ipsi domino Montenario, stipulanti nomine comunis, quod facient ita quod archiepiscopus Mediolani ea que in hoc instrumento et in alio de aliis libris CCC continentur per omnia confirmabit et quod dabit licentiam dicto episcopo quod ipse pro dictis libris DC omnia bona episcopatus Saone possit obligare dicto domino Montenario, nomine dicti comunis, vel alii qui sit pro ipso comuni. Et sunt inde duo instrumenta unius tenoris. Actum fuit hoc in Saona, in lobia palacii ipsius episcopi. Interfuerunt testes magister Ugo, canonicus Ianuensis, dominus Raimundus, iudex dicti domini Montenarii, Raimundus de Rustico, Philippus de Villano, Trucus de Trucho, Bonusiohannes Saccus, Bonusiohannes Iolta, Iordanus iudex.

Ego Ambrosius, notarius sacri palatii, hanc cartam abreviatam per manum Uberti de Mercato notarii, precepto domini Oberti Paxii, iudicis domini Iohannis Spinole, Saonensium potestatis, de cartulario extraxi et sic scripsi.

(S.T.) Ego Lantelmus, notarius sacri palatii, hoc exemplum ab autentico scripto manu Ambrosii notarii quod extraxit ex imbreviatura Uberti de Mercato sicut in eo vidi et legi <extraxi> et per omnia exemplavi, nichil addito vel diminuto preter punctum vel litteram, titulum vel sillabam et hoc absque ulla mutatione, corruptione seu diminutione dictionum vel sensus, ad quod corroborandum, iussu domini Pegoloti Ugueçonis de Girard(inis), propria manu subscripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 67-69.

Su un terzo debito del vescovo di Savona

8 marzo 1219

Raimondo Iudex è testimone in un atto dell'8 marzo 1219 col quale il vescovo di Savona contrae un terzo debito di 200 lire di genovini nei confronti del comune di Savona.

469✓

1219, marzo 8, Savona

Pietro, vescovo di Savona, contrae un debito di 200 lire di genovini nei confronti del comune di Savona per restaurare il castello di Spotorno alle stesse condizioni di cui al n. 467.

De mutuo facto per dominum Petrum, episcopum Saonensem.

(S.T.) Anno Domini millesimo ducentesimo nono decimo, indictione VIIª, die octavo martii. Presentia testium infrascriptorum fuit confessus dominus Petrus, episcopus Saone, se recepisse mutuo, nomine episcopatus Saone et pro utilitate ipsius episcopatus, a domino Montenario de Gueciis, potestate Saone, nomine ipsius comunis et de denariis comunis Saone, libras ducentas ianuinorum et specialiter pro aptando castro Spolturni, renuntians exceptioni non numerate pecunie et hoc fuit confessus presentibus et volentibus et ei consentientibus domino Henrico archidiacono, domino Gregorio preposito, presbitero Henrico de Treisio et Ottone de Laveis cantore, Rubaldo presbitero, Ottone de Cairo, canonicis ecclesie Sancte Marie de Saone. Quos denarios ei, stipulanti nomine dictis comunis, dare vel certo nuncio dicti comunis et solvere promisit quandocumque fuerit ipsius voluntas vel alterius qui pro tempore sit in regimine civitatis Saone. Et insuper promisit ei, stipulanti nomine dicti comunis, quod concedet ei pro comuni Saone precario et omnibus aliis qui pro tempore fuerint in regimine civitatis Saone pro comuni Saone hinc inde in perpetuum ita quod ipsi habeant et habere possint castrum Spolturni munitum et scaritum ita quod dictum comune et omnes qui fuerint pro dicto comuni possint se adiuvare contra omnes personas cum quibus comune Saone hinc inde guerram habebit semper cum fuerit voluntas ipsius domini Montenarii et aliorum qui de cetero fuerint in regimine civitatis Saone, nomine ipsius comunis, eo salvo quod proinde comune Saone vel alius pro ipso comuni ab hominibus de Spolturno proinde nullam aliam exactionem petere debeat vel possit et semper cum comune Saone de guerra venerit ad pacem libere et quiete dictum castrum remaneat episcopo et ecclesie Saone. Et sicut est dictum supra promisit observare in perpetuum per se et successores suos ipsi domino Montenario et omnibus aliis qui pro tempore fuerint in regimine civitatis Saone pro dicto comuni et hec fecit presentibus et volentibus et consentientibus canonicis predictis qui pro predictis attendendis dicto potestati, nomine dicti comunis, omnia bona dicti episcopatus pignori obligaverunt. Et versa vice dominus Montenarius predictus, nomine dicti comunis et vice dicti comunis, per se et per omnes alios qui pro tempore fuerint in regimine civitatis Saone, promisit ipsi domino Petro, stipulanti nomine dicti episcopatus, observare in perpetuum de dicto castro et de omnibus aliis sicut dictum est supra. Insuper promiserunt dictus episcopus et iam dicti canonici sepedicto Montenario, potestati Saone, nomine comunis Saone, se facturum taliter quod dominus archiepiscopus Mediol(anensis) omnia supradicta confirmabit. Actum in palatio domini episcopi. Testes dominus Raimundus, iudex potestatis Saone, Truchus Truchi, Bonavia de Rustico, Peregrinus Pect(rus), Rainaldus de Sancto Romulo, Iacobus Ricius, Iacobus Vitius.

Ego Phylipus de Scarmundia, palat(inus) notarius, interfui et scripsi.

(S.T.) Ego Lantelmus, notarius sacri palatii, hoc exemplum ab autentico et originali instrumento manu Phylipi de Scarmundia notarii scripto sicut in eo vidi et legi transcripsi et per omnia exemplavi, nichil addito vel diminuto nisi forte littera vel sillaba, titulo seu puncto et hoc absque ulla mutatione, corruptione se<u> diminutione dictionum vel sensus, ad quod corroborandum a, iussu domini Pegoloti, dicti Ianuensium potestatis, propria manu subscripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 69-71.

Sul possesso di Arquata

8 dicembre 1232

Raimondo Iudex è uno degli arbitri a cui viene presentata denuncia contro il comune di Tortona l'8 dicembre 1232 in relazione al possesso di Arquata.

626.

1232, dicembre 8, Milano

Ugolino Marsilii giudice, procuratore del comune di Genova per la causa che l’oppone al comune di Tortona per il possesso di Arquata, presenta ai due arbitri milanesi e al genovese, in assenza di quello tortonese, denuncia contro il comune di Tortona e la procura rilasciatagli da Pagano di Pietrasanta, podestà di Genova, che vengono registrate per ordine dei predetti arbitri.

De facto Arquate.

(S.T.) In nomine Domini. Anno dominice incarnationis millesimo ducentesimo tricesimo secundo, die mercurii, octavo die mensis decembris, indictione VIª. In broiseto novo comunis Mediolani, super arengum, in presentia dominorum Martini de la Sala, filii quondam ***, Iordani, filii quondam Iterii Iordani de Puteobonello et Passaguadi, filii quondam Belvilani de Busnate, testium omnium, civ(itati)s Mediolani. § Cum olim sententia lata fuisset per comune Mediolani inter comune Ianue, ex una parte, et comune Terdone, ex altera, quod post quinquennium a die sententie numerande eligerentur IIII^or arbitri, duo scilicet de Mediolano et unus de Ianua et quartus de Terdona super facto et discordia Arquate et eius hominibus et iurisdictione et dominio et possessione et iure cognoscerent et infra quatuor menses diffinirent omnes vel saltim tres eorum secundum tenorem sententie supradicte et super predictis electi essent arbitri per comune Mediolani domini Guido de Landriano et Tedericus de Villa et per comune Ianue dominus Raimundus iudex, requisitis peremptorie comuni de Terdona et dominis Gandone de Guidobono, arbitro de Terdona prout dicebat, et Gandulfo de Montemerlo, syndico eiusdem comunis prout dicebat, qui interesse noluerunt, sed per contumatiam abfuerunt, cum ipsi arbitri suprascripto die incipere causam audire tenerentur, dominus Ugolinus Marsilii iudex, syndicus comunis Ianue, ut apparet per cartam unam atestatam, factam isto anno et indictione Va, secunda die decembris per Bonumvassallum Caligepalii notarium, iuravit sacramentum de calumpnia pro comuni Ianue et per suum sacramentum dixit quod credit ea vera esse que in libello sive in peticione porrecta per eum continentur. Ibidem lis contestata fuit sive quasi contestata fuit coram eisdem arbitris sive pro contestata habita ab ipsis arbitris, ipsis arbitris respondentibus pro comuni Terdone prout poterant comune Terdone nolle facere ea que in predicta peticione contine<n>tur, sed se defendere velle. Ibidem predicti domini Guido et Tedericus et Raimundus, arbitri ut superius dictum est, preceperunt mihi ut predicta omnia autenticarem et insinuarem et in publicam formam redigerem ita perpetuo valeant tanquam autentica infradicta omnia. In primis peticionem predictam, cuius peticionis tenor talis est:

Ugolinus, syndicus comunis Ianue, nomine et vice ipsius comunis, petit a comuni Terdone et syndico defendente ipsum comune ne comune Terdone impediat comune Ianue possidere et tenere vel quasi villam, locum et terram et castrum Arquate et territorium eorumdem et homines cum omni iurisdictione ut sinat comune Ianue omnia predicta habere et tenere et uti omnibus predictis et petit dicto nomine ut prohibeant per arbitros electos a comuni Mediolani et Ianua dictum comune Terdone ne vim vel molestationem aliquam faciant comuni Ianue circa predicta, cum sit comune Ianue in possessione predictorum vel quasi. Item petit dicto nomine a predicto syndico sive comuni ut in predictorum dominio vel quasi non inferant dicto comuni Ianue aliquod impedimentum et pronuncietur per dictos arbitros dominium dicti loci ad dictum comune Ianue pertinere cum omni iurisdictione ipsius loci. Predicta dicit et petit non in formam libelli sed declarationis secundum formam sententiarum quas tulit comune Mediolani, salvis omnibus peticionibus dicti comunis et salvo iure addendi et minuendi et mutandi.

Item instrumentum syndicatus predicti domini Ugolini, cuius instrumenti tenor talis est:

In nomine Domini amen. Dominus Paganus de Petrasancta, Ianuensis civitatis potestas, de voluntate et beneplacito atque decreto consilii civitatis eiusdem, nomine eius, atque ipsum consilium constituit et ordinavit Ugolinum Marsilii iudicem, syndicum et auctorem atque procuratorem predicte civitatis in controversiis, causa et causis quas habet seu habere sperat dictum comune et civitas prelibata cum civitate Terdone et universitate ipsius coram arbitris et bonis viris electis per potestatem et comune Mediolani et per dictas civitates super controversia et controversiis, causa et causis que vertuntur inter civitatem Ianue et Terdone seu verti speratur et specialiter super castro et terra Arquate et territorio et iurisdictione ipsius atque hominibus eiusdem loci et generaliter super omnibus que aliqua dictarum civitatum ab altera petere possit coram ipsis a dictis civitatibus ut possit pro civitate Ianue agere et in iudicio pro dicta universitate esse et ipsam universitatem defendere et pro ea exceptiones et replicationes opponere, testes producere, confessiones et positiones facere et cetera que causarum merita postulabunt in iudicio et extra et adimplere et promisit dicta potestas, nomine dicti comunis et vice, et ipsum consilium ratum et firmum habere quicquid per ipsum syndicum factum erit in predictis causis sub obligatione bonorum dicti comunis. Actum Ianue, in domo Fornariorum, in qua dicta potestas habitat. Testes Baialardus de Pallo, Porchetus Streiaporcus, Paschalis magister. Anno dominice nativitatis millesimo CC° tricesimo secundo, indictione Va, secundo die decembris intrantis, inter primam et terciam. Bonusvassallus Caligepalii notarius rogatus scripsit.

(S.T.) Ego Iacobus, filius quondam Symonis de Sexto, notarius sacri palatii ac vicinie Sancti Pauli in Compito c(ivitatis) M(ediolani), iussu suprascriptorum dominorum arbitrorum, tradidi et scripsi et predicta omnia insinuavi, autenticavi et in publicam formam redegi et exemplavi ut superius dictum est.

(S.T.) Ego Thomas de Sancto Laurentio notarius hoc exemplum, de mandato domini Petri de Andalo, Ianuensis civitatis potestatis, extraxi et exemplavi ex autentico et originali instrumento facto manu Iacobi, filii quondam Symonis notarii predicti, nichil addito vel diminuto nisi forte littera vel sillaba seu puncto, et hoc causa abreviationis sive distinctionis litterarum, sententia non mutata, absque ulla corruptione, mutatione seu diminutione dictionum vel sensus, ad quod corroborandum, iussu predicti potestatis, subscripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 399-402.

Sulla presenza dei tortonesi nella vertenza per Arquata

8 dicembre 1232

Raimondo Iudex è uno degli arbitri che l'8 dicembre 1232 richiede la presenza dell'abitro e del procuratore designati da Tortona nella vertenza sul possesso di Arquata.

628.

1232, dicembre 8, Milano

Guido di Landriano, Tederico de Villa e Raimondo giudice, arbitri nella causa tra i comuni di Genova e di Tortona per il possesso di Arquata, invitano Gando de Guidobonis e Gandolfo di Montemerlo, rispettivamente arbitro e procuratore designati dal comune di Tortona, ad intervenire al procedimento; in caso contrario procederanno da soli.

De facto Arquate.

(S.T.) In nomine Domini amen. Anno a nativitate eiusdem millesimo ducentesimo tricesimo secundo, die mercurii octavo die mensis decembris, indictione VIª, in brolieto novo comunis Mediolani, supra lobiam ubi concionatur potestas Mediolani. Domini Guido de Landriano et Tedericus de Villa et Raimundus iudex de Ianua, arbitri electi super facto Arquate, dixerunt de post nonam et preceperunt et ammonuerunt peremptorie dominos Gandonem de Guidobonis, iudicem civitatis Terdone, arbitrum comunis Terdone, et Gandulfum de Montemerlo, similiter iudicem civitatis Terdone, syndicum comunis civitatis eiusdem, ut deberent stare et defendere et audire in causa et de causa seu questione que vertitur inter comune Ianue, ex una parte, et comune Terdone, ex altera, de facto Arquate et eam incoare coram eis et si volebant adesse ad predicta, quod adessent et sive adessent sive non quod ipsi arbitri volebant procedere et de predicta causa secundum iuris ordinem et secundum quod iuraverant et tenebantur per formam et secundum formam sententiarum quas super hoc tulerat comune Mediolani. Interfuerunt testes ibi dominus Resonatus de Puteobonello, c(ivitatis) M(ediolani), Ambrosius de Vedano, servitor comunis M(ediolani) et domini Menadragus et Inblavadus, qui dicuntur domini de Mandello, c(ivitatis) M(ediolani), et Iacobus de Sexto, notarius eiusdem civitatis Mediolani.

(S.T.) Ego Oprandus, filius Ottonis Capelli de Caminadella, imperiali auctoritate notarius, tradidi et scripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 403-404.

Sulla presenza dei tortonesi nella vertenza per Arquata

8 dicembre 1232

Raimondo Iudex è uno degli arbitri che l'8 dicembre 1232 richiede la presenza dell'abitro e del procuratore designati da Tortona nella vertenza sul possesso di Arquata.

629.

1232, dicembre 8, Milano

Guido di Landriano, Tederico de Villa e Raimondo giudice, arbitri nella causa tra i comuni di Genova e di Tortona per il possesso di Arquata, invitano Gando de Guidobonis e Gandolfo di Montemerlo, rispettivamente arbitro e procuratore designati dal comune di Tortona, ad intervenire al procedimento; in caso contrario procederanno da soli.

De facto Arquate.

(S.T.) In nomine Domini amen. Anno a nativitate eiusdem millesimo ducentesimo XXXII°, die mercurii octavo die mensis decembris, indictione VIª, in brolieto novo comunis Mediolani, supra lobiam ubi contionatur potestas Mediolani. Dominus Guido de Landriano et Tedericus de Villa et Raimundus iudex de Ianua dixerunt in mane et preceperunt et ammonuerunt peremptorie dominos Gandum de Guidobonis, iudicem civitatis Terdone, arbitrum comunis Terdone, et Gandulfum de Montemerlo, similiter iudicem civitatis Terdone, syndicum comunis civitatis eiusdem, ut deberent stare et defendere et audire in causa et de causa seu questione que vertitur inter comune Ianue, ex una parte, et comune Terdone, ex altera, de facto Arquate et eam incoare coram eis et si volebant adesse ad predicta, quod adessent et sive adessent sive non quod ipsi arbitri volebant procedere de predicta causa secundum iuris ordinem et secundum quod iuraverant et tenebantur per formam et secundum formam sententiarum quas super hoc tulerat comune Mediolani. Interfuerunt ibi testes dominus Ressonatus de Puteobonello et Ambrosius de Vedano, servitor comunis Mediolani, et Opiço Tartarus iudex et magister Ursus civitatis Ianue et Lambertus Iugulator et plures alii.

(S.T.) Ego Oprandus, filius Ottonis Capelli de Caminadella, imperiali auctoritate notarius, tradidi et scripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 404-405.

Sulla redazione di una lettera nella vertenza per Arquata

8 dicembre 1232

Raimondo Iudex è uno degli arbitri che l'8 dicembre 1232 ordina al notaio di redigere una lettera nella vertenza sul possesso di Arquata.

630.

1232, dicembre 8, Milano

Guido di Landriano, Tederico de Villa e Raimondo giudice, arbitri nella causa tra i comuni di Genova e di Tortona per il possesso di Arquata, ordinano al notaio Oprando Capello di registrare e redigere in publicam formam la lettera con la quale il podestà di Tortona informava il podestà di Genova di aver designato Gando de Guidobonis arbitro tortonese.

De facto Arquate.

(S.T.) In nomine Domini amen. Anno a nativitate eiusdem millesimo ducentesimo XXXII°, die mercurii octavo die mensis decembris, indictione VIª, in brolieto novo comunis Mediolani, supra lobiam ubi contionatur potestas Mediolani. Domini Guido de Landriano et Tedericus a de Villa et Raimundus iudex de Ianua, arbitri electi super facto Arquate, preceperunt mihi infrascripto Oprando Capello notario ut autenticarem et insinuarem et in publicum redigerem litteram unam, sigillo comunis Terdone cereo sigillatam, ita ut perpetuo valeat et tanta ei omni tempore fides adhibeatur tanquam publico instrumento. Tenor cuius littere talis est:

Nobili et prudenti viro P(agano) de Petrasancta, Ianue honorabili potestati, amico karissimo, Ar(duino) de Comitibus, Terdon(e) potestas, salutem et prosperitatis augmentum. Prudentie vestre duximus harum serie intimandum nos, de voluntate et beneplacito consiliatorum civitatis Terdone, et ipsum consilium elegisse, constituisse et ordinasse dominum Gandum de Guidobonis iudicem pro comuni Terdone arbitrum et pro bono et legali homine qui debeat cognoscere super iure civitatis Ianue et civitatis Terdone quod habeat aliqua civitatum super iurisdictione loci et ville atque castri de Arquada et hominibus eiusdem loci et territorii et qui debeat cognoscere cum aliis secundum formam sententie late per potestatem seu comune Mediolani et scriptam per notarium Odradum, filium Ardrici Faxioli, et Willelmum, filium ser Alberti de Lomacio, scientes nos et ipsum nostrum arbitrum paratos esse secundum quod debemus procedere in predictis. Interfuerunt ibi testes dominus Resonatus de Puteobonello, c(ivitatis) M(ediolani), et Ambrosius de Vedano, servitor comunis Mediolani, et Opiço Tartarus iudex et magister Ursus, civitatis Ianue, et Lambertus Iugulator et plures alii.

(S.T.) Ego Oprandus, filius Ottonis Capelli de Caminadella, imperiali auctoritate notarius, autenticavi et insinuavi et in publicam formam redegi ut supra, iussu suprascriptorum arbitrorum, et scripsi.

(S.T.) Ego Thomas de Sancto Laurentio notarius, hec exempla, de mandato domini Petri de Andalo, Ian(uensis) civitatis potestatis, extraxi et exemplavi ex autenticis instrumentis factis manu Oprandi Capelli notarii, nichil addito vel diminuto nisi forte littera vel sillaba seu puncto et hoc causa abreviationis seu distinctionis litterarum vel dictionum, sententia non mutata, absque ulla corruptione, mutatione seu diminutione dictionum vel sensus, ad quod corroborandum, iussu dicti potestatis, subscripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 406-407.

Sulla presenza dei tortonesi nella vertenza per Arquata

1° febbraio 1233

Raimondo Iudex è uno degli arbitri che il 1° febbraio 1233 richiede la presenza dei tortonesi nella vertenza sul possesso di Arquata.

631.

1233, febbraio 1, Gavi

Guido di Landriano, Tederico de Villa e Raimondo giudice, arbitri nella causa tra i comuni di Genova e di Tortona per il possesso di Arquata, rilasciano procura al notaio Oldrando Faxiolo per consegnare al podestà di Tortona l’invito a far intervenire alla causa l’arbitro ed il procuratore designati dal comune di Tortona entro il primo marzo, fermo restando l’impegno a procedere, dopo tale termine, anche in loro assenza. Segue l’elenco dei testimoni prodotti dal comune di Genova.

De facto Arquate.

(S.T.) In nomine Domini amen. Anno dominice incarnationis millesimo ducentesimo trigesimo tercio, die martis primo die februarii, indictione VIª, in loco Gavio, presentibus infrascriptis testibus. Domini Guido de Landriano et Tedericus de Villa, civitatis Mediolani, et dominus Raimundus iudex Ianue, ad diffiniendam questionem castri, loci et territorii et iurisdictionis de Arquate, secundum quod in sententia lata per comune Mediolani continetur, fecerunt et constituerunt suum missum et procuratorem Oldrandum Faxiolum, civitatis Mediolani, ad representandas litteras infrascriptas potestati et comuni Terdone et ad denunciandum predicto comuni peremptorie quod ad infradictum terminum sint vel mittant nuncium et syndicum et arbitrum comunis Terdone peremptorie ad placitandum in fine et ad sententiam audiendam et ad cetera facienda que predictis necessaria sint et sive venerint sive non quod ad illud tempus sententiam proferre debeant secundum quod debent et tenentur. Quarum litterarum tenor talis est:

Illustri militi domino O(piçoni) de Canevanova, potestati Terdone, et comuni et consilio civitatis eiusdem Guido de Landriano et T(edericus) de Villa, arbitri constituti per comune Mediolani, et R(aimundus) iudex de Ianua, arbiter constitutus per comune Ianue, ad diffiniendam questionem de Arquate, salutem et prosperos ad vota successus. Licet alias per nostrum nuncium et litteras fueritis actenus proquisiti et quod de iure vestro super facto de discordia de Arquate coram nobis docere deberetis, quod usque facere noluistis, tamen ad superandam malitiam vobis constituimus terminum peremptorium ad kalendas marcii futuras vobis peremptorie denunciando, mandantes quatenus ad eundem terminum per vos et per vestrum syndicum et arbitrum apud Mediolanum nostro conspectui presentetis, de predictis a nobis rationem plenissimam recepturi, alioquin noveritis quod sive miseritis sive non ad dandam diffinitivam sententiam procedemus quoniam ad eundem terminum ad placitandum in fine et ad audiendam diffinitivam sententiam peremptorie et post peremptorium vobis et comuni Ianue statuimus et ordinamus.

Ibidem predicti domini statuerunt et ordinaverunt terminum peremptorium et post peremptorium placitandi in fine et audiendi et dandi sententiam diffinitivam hinc ad kalendas marcii et habendi omnia necessaria circa predicta apud Mediolanum, datum domino Ugolino de Palogria, syndico comunis Ianue. Interfuerunt testes Lauçius de Gavio et Ubertus de Arexe et Baçanus de Serravalle et Ubertus de Stoto, civis M(ediolani).

(S.T.) Ego Iacobus, filius quondam ser Moxonis de Sexto, notarius sacri palatii, ac ci<vitatis> M(ediolani), iussu suprascriptorum arbitrorum, tradidi et scripsi.

Nomina testium productorum super facto de Arquate pro comuni Ianue: dominus Hospinellus de Arquate, dominus Guifredus de Pirovano, dominus Ansermus de Arquate, dominus Bovetus de Arquate, dominus Guifredus Arquate, Famulus de Arquate, Scorcia de Arquate, Rufinus de Laveroce de loco Gavio, Gavius de loco Gavio, Ansermus filius Ite, Paganellus de Famul(o), Guido de Baldo, Ugo Rabia, Willelmus de Laurentio de loco Gavio, Ugobonus notarius de loco Gavio, Bernus de la Porta, Acorsus de Staçano, Blancardus de Preaolono, Iohannes de Puteo, Albertus de Demora, Minionus de Pratolongo, Rubeus de Pratolongo, Gualterius de Aroxio, Minionus de loco Gavio, ser Guillelmus, filius domini Guillelmi de Arquate, Codeferrus de loco Gavio, Boronus de Gavio.

(S.T.) Ego Thomas de Sancto Laurentio hoc exemplum, de mandato domini Petri de Andalo, Ian(uensis) civitatis potestatis, extraxi et exemplavi ex autentico et originali instrumento facto manu Iacobi, filii quondam ser Moxonis notarii predicti, sicut in eo vidi et legi per omnia contineri, nichil addito vel diminuto nisi forte littera vel sillaba seu puncto, et hoc causa abreviationis sive distinctionis dictionum vel litterarum, sententia non mutata, absque ulla corruptione, mutatione seu diminutione dictionum vel sensus, ad quod corroborandum, iussu predicti potestatis, subscripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 407-410.