Cosa si sa

Cartula venditionis
1181 dicembre 9, Sartirana.
Ottone e Guglielmo Iudex germani, figli del fu Uberto, ambedue di legge longobarda, con il consenso di Guglielmo de Sancto Georgio vendono a Uberto Guercius del fu Guido circa tre pertiche di terra che i venditori tengono in beneficio dal predetto Guglielmo, sita presso la villa di Sartirana, in Braidam, con uscita in aream Fuiram, dichiarando di aver ricevuto quale prezzo della vendita quattro lire di denari pavesi d'argento.

(SN) Anno dominice incarnacionis millesimo centesimo octuagesimo primo, nono die mensis decembris, indictione .XIIII.
Otto Iudex et frater eius Wilielmus germani, filii quondam Uberti, viventes lege Lombarda, consensu et affirmacione domini Wilielmi de Sancto Georgio, vendiderunt et tradiderunt Uberto Guercio, filio quondam Guidonis, circa perticas tres terre quam ipsi germani ab eodem domino Wilielmo tenebant in beneficio, positam iussta villam Sartirane, in Braidam, et exit in aream Fuiram; coheret ei: ab una parte Basti, ab alia Clementi, a tercia eptor, a quarta fosatum ville, sive ibi alie sint coherencie, omnia cum omnibus eidem pecie terre pertinentibus inintegrum; eo modo ut ipse Ubertus suique heredes et cui dederint abhinc in antea habeant et detineant suprascriptam peciam terre una cum accesionibus et ingressibus et universis pertinentibus et faciant exinde a presenti die iure proprietario nomine quicquid voluerint sine contradicione suprascriptorum germanorum eorumque heredum et cum eorum promisa defensione ab omni homine cum racione vel dupla restauracione pro temporis melioracione in consimili loco. Equidem pro suprascripta vendicione fuerunt confesi suprascripti germani sese accepise ab eodem Uberto precium argenti denariorum bonorum Papie libras quatuor. Ibi loci iuravit suprascriptus Otto ad sancta Dei evangelia per se et per datam parabolam suprascripti Wilielmi fratris sui quod suprascripta terra in aliam partem aliquo modo obligata non est quod noceat iamdicto Uberto suisque heredibus vel cui dederint et a se ipsis germanis vel aliquibus submisis personis abhinc in antea non habent exinde agere nec causare nec aliquo modo imbrigare adversus eundem Ubertum suosque heredes et cui dederint; et si briga vel contencio aliqua exinde eis aparuerit ab omni homine cum racione defendere habent. Hec ita vera sunt et attendere habent illis scientibus, si Deus illos adiuvet et illa sancta Dei evangelia.
Actum in Sartirana. Feliciter.
Suprascriptus dominus Wilielmus hanc cartulam vendicionis fieri iussit.
Suprascripti germani hanc cartulam fieri rogaverunt ut supra.
(SN) Ego Guilielmus notarius sacri palacii interfui et hanc cartulam vendicionis tradidi et scripsi.

S. Pietro in Ciel d'Oro
Pergamene pavesi
Codice Diplomatico della Lombardia medievale