Su un debito di Mabilia di Clavesana

12 maggio 1235

Bartolomeo Iudex è testimone in un atto del 12 maggio 1235 concernente un debito di Mabilia di Clavesana.

1003

1235, maggio 12, Genova

Mabilia, vedova di Oddone di Clavesana, anche in qualità di tutrice dei figli, si impegna a versare annualmente, per otto anni, a Corrado de Castro e a Bonifacio della Volta o ai loro eredi la somma di 93 lire e 15 soldi loro dovuta in forza di un contratto stipulato tra lo stesso Oddone e Ugone della Volta.

Ego Mabilia, uxor quondam Oddonis de Cravexana et tutris Manuelis, Petrini, Franceschi et Mateldete et Iohannete, tutorio nomine et etiam meo proprio nomine, promito et convenio vobis Conrado de Castro et Bonifacio de Volta quod solvam vobis vel heredibus vestris per me vel meos heredes a kalendis iunii proxime venturis usque ad anos octo omni anno in kalendis iunii libras nonaginta tres et soldos quindecim, videlicet cuilibet vestrum pro dimidia, confitentes hoc actum esse in venditione quam feci una cum Bonifacio, filio quondam dicti Oddonis, vobis Conrado de Castro presenti et Willelmo filio Bonifacii de Volta absenti, de qua venditione factum fuit instrumentum manu magistri Ursonis notarii, eapropter quia usque ad octo annos id quod a comuni Ianue reccipere debebam cum dicto Bonifacio filio dicti Oddonis quondam reccipere debent heredes Ugonis filii quondam dicti Bonifacii de Volta, occasione venditionis facte a dicto Oddone quondam viro meo et patre dicti Bonifacii et dictorum minorum eidem Ugoni de Volta seu contractus initi inter dictum Oddonem et dictum Ugonem usque in quantitatem librarum nonaginta trium et soldorum quindecim annuatim percipiendam a vobis et vestris heredibus in perpetuum a dicto comuni Ianue, retento solummodo in me et dicto Bonifacio ex his que a dicto comuni reccipere debeo cum dicto Bonifacio libris triginta una et soldis quinque ianuinorum, et reliqua omnia iura michi et dicto Bonifacio competentia contra dictum comune vobis vendimus, cedimus et tradimus. Unde promitto et convenio vobis annuatim usque ad dictum tempus in kalendis iunii solvere quantitatem predictam, alioquin si in aliquo de predictis contrafecero, duplum nomine pene dicte quantitatis vobis dare promitto que tociens committatur quociens contrafactum fuerit et in quolibet capitulo in solidum, ratis manentibus predictis. Pro pena et predictis omnibus observandis omnia bona mea habita et habenda vobis pignori obligo tali pacto quod pena comissa liceat intrare bona mea que malueritis vobis sine magistratus decreto vestra auctoritate et in eis facere vobis duplum extimari extimatumque nomine venditionis tenere et possidere sine omni mea omniumque personarum pro me contradictione, abrenuncians iuri de principali et senatuconsulto Velleiano et omnis legis ausilio, faciens hec consilio Alberti Balbi et Alberti Barche quos meos propinquos et vicinos appello. Iuro omnia predicta attendere et observare et in aliquo non contravenire nisi iuxto Dei impedimento vel oblivione aut licentia vestrum vel vestri certi nuncii data michi vel meo nuncio remanserit et si terminum vel terminos michi produxeritis vel produci feceritis, semper tenebor usque ad integram totius debiti solucionem. Insuper nos Nicolinus Spinula et Luchus de Grimaldo et Iacobus Mussus, quisque nostrum pro quantitatibus librarum viginti unius ianuinorum tantum annuatim usque dictum tempus ut supra constituimus nos de predictis omnibus proprios et principales debitores, promittentes vobis predictis Conrado et Bonifacio de Volta stipulantibus quod si dicta Mabilia non solverit vobis ut promisit et convenit, nos pro quantitatibus tantum superius denotatis solvemus omni anno et in termino supradicto et quod curabimus et faciemus ita quod predicta Mabilia attendet et observabit omnia supradicta usque in dictis quantitatibus, alioquin si in aliquo de predictis contrafecerimus vel contrafactum fuerit, duplum nomine pene quilibet pro quantitate a se promissa vobis dare promittimus que tociens comittatur quociens contrafactum fuerit, ratis manentibus supradictis. Pro pena et predictis omnibus observandis omnia bona nostra habita et habenda vobis pignori obligamus tali pacto quod pena comissa liceat vobis vestra auctoritate sine magistratus decreto bona nostra que malueritis intrare et facere vobis duplum extimari extimatumque nomine vendicionis tenere et possidere sine omni nostra omniumque pro nobis personarum contradictione. Renunciamus iuri quo cavetur quod principalis primo conveniatur quam fideiussor. Testes predicti consiliatores et Opizo de Montemorisino et Bartholomeus iudex Diani et Savilianus. Actum Ianue, in domo heredum Lanfranci Rubei de Volta, anno dominice nativitatis millesimo ducentesimo tricesimo quinto, indictione VII, die XII madii, circa vesperas. Huius vero tenoris duo instrumenta inde partes fieri rogaverunt, hoc autem specialiter factum est postulationi dicti Conradi.

(S.T.) Ego Guillelmus de Clavica, notarius sacri Imperii, rogatus scripsi.

(S.T.) Ego Iacobus Bonacursus, notarius sacri Imperii, hoc exemplum extraxi et exemplificavi ex autentico instrumento scripto manu Guillelmi de Clavica notarii ut in eo vidi et legi, nichil addito vel diminuto nisi forte littera, sillaba seu puncto causa abreviationis, et hoc sententia non mutata, et in publicam formam redegi mandato domini Iacobi de Seriaco, iudicis et assessoris domini Enrici Confaronnerii, potestatis Ianue, anno dominice nativitatis millesimo ducentesimo quinquagesimo tertio, indictione undecima, die sexta decima octubris, presentibus testibus Marino Ususmaris, Guillelmo de Varagine, scriba comunis, et Nicolao de Porta notario.

Società Ligure di Storia Patria,
«I Libri Iurium della Repubblica di Genova»,
Vol I/6, a cura di Maria Bibolini,
Genova 2000,
pagg. 107-110.