Sulla ratifica di un trattato di pace

7 ottobre 1381

Simone controfirma la ratifica dei trattati di pace di Torino come notaio imperiale.

DOCUMENTO XCIV.

Anno 1381

7 Ottobre. — Venezia

I nunzi di Trieste ratificano ed approvano gli articoli della pace di Torino, che riguardano Trieste.

(Pacta Vol. VI. c. 107 t.).
Ratificatio et Approbatio facta per sindicos civitatis Tergesti de quodam articulo pacis celebrate Taurini, tangente de Tergesto et eius districtu.

In christi nomine amen. Anno nativitatis eiusdem MCCCLXXXI.° Indicione quarta, die septimo octobris. Actum Venetijs in ducale palatio, presentibus Sapiente et Circumpecto viro, domino phylippo de Melioratis de Regio legum doctore; providis viris Johane plumatio, Guillelmo de Vincentijs. notarijs ducatus Venetiarum. Johane dandulo. Johane de Ougarellis, testibus ibi vocatis specialiter et Rogatis et aliis. Providi et discreti viri, domini Adelmus de petacijs et Nicolaus Cigottus, Cives tergesti, Sindici actores et nuntij speciales Regiminis. Consilij. Comunis Universitatis ac populi Tergesti, habentes ad infrascripta speciale mandatum, ut de dicto sindicatu patet uno publico instrumento. Manu guillelmi coppa notarij et cancellarij dicti Comunis tergesti scripto sub Millesimo et Indicione presente die tercio mensis octobris, dicto instrumento a notario subscripto viso et lecto. Sindicario nomine predicto, volentes observare attendere et adimplere omnia e singula contenta in pace et articulis pacis et specialiter articul iinfrascripti positi et contenti in dieta pace firmata et celebrata. Interventu et laudabilibus operibus Jllustris et excelsi domini. domini Amadej Comitis Sabaudie in Taurino, dia jovis octavo mensis augusti proxime preteriti inter Venerabiles Egregios et Circumspectos viros, dominos Georgium de tortis de papia. decanum aquilegiensem federicum mililem de Savorgnano et Nicolaum condam dominici zerbini de Utino, Sindicos actores, nuntios et procuratores speciales Egregij et Venerabilis viri domini frederici Comitis de porciliis Ecclesie aquilegiensis sede tnnc vacante, vicedomini generalis, patrie forijulij, de quorum sindicatu constat manu Antonij quondam Nicolai ser guarnerij de Sonimborgo publica jmperiali auctoritate notarij sub anno nativitatis domini MCCCLXXXI Jndicione iiij. die nono mensis aprilis ex una parte, Et honorabiles et Egregios viros, dominos Zachariam Contareno. Johanem gradonico et Michelem Mauroceno procuratores Ecclesie Sancti Marci, de Venecijs Sindicos et procuratores actores et nuntios speciales. Illustris et Magnifici domini. domini Andrea Contareno ducis Venetiarum etc. et Comunis Venetiarurn ex parte altera, de qua pace Rogati dicuntur notarij infrascripti videlicet, Johannes Ranasij notarius illustris et excelsi dicti domini Comitis Sabaudie, Antonius de Crodentia notarius dominorum Januensium. galvanus condam ser bartholomei de Castrobaldo notarius Reverendi patris domini Episcopi quinque ecclesiarum. Bandinus angeli de bandino. notarius paduanus, Et dictus Antonius condam Nicolai olim guaruerij de Sonumbergo notarius furlanorum. Ac Bon Johannes de Brisarijs notarius ducatus Veneciarum facere plura pubblica instrumenta unius et eiusdem continentie et tenoris, Ratificaverunt emologaverunt, Ratifìcant approbant et emologant per hoc presens Jnstrumentum dictum infrascriptum articulum et in omnibus et per omnia et quo ad omnia et singula contenta in infrascripto articulo dicte pacis, et omnia alia et singula contenta in dicta pace, que prefatum comune tergesti approbare et omologare et allo modo facere tenetur quovis modo secundum formam et tenorem dicte pacis, et specialiter articuli infrascripti, cuius articuli in dicta pace contenti tenor talis est. Item fuit actum inter partes predictas, nominibus predictis, quod omnes Civitates. castra. Terre et loca, que tempore Incohactionis presentis guerre, tenebanur seu posidebantur per aliquam ipsarum partium seu ipsarum partium subditos, vel adherentes, que in presenti guerra, per aliquam ipsarum partium subditos, vel adherentes ipsarum partiurn capta vel capta occupata vel occupate tenerentur, Relaxentur et expediantur per partem occupantem seu tenentem, in eo statu in quo hodie sunt excepto, munitionibus mobilibus, quas ipse partes vel alique ipsarum posuissent in dictis locis vel aliquo ipsorum quas libere exportari facere possint taliter quod illa pars vel persone que dicta loca castra vel terras tenebant tempore dicte Incohacte guerre, ipsa possint entrare tenere et munire sic et taliter quod dicta loca, que ante presentem guerram per Comune et dominationem veneciarum seu homines eorum nominibus tenebantur sine aliquo jmpedimento ad manus et potestatem dicti comunis Veneciarum poterimt devenire et pervenient si ipsa capere volent, salvo jure compromissi subscripti et consimiliter loca, que anto guerram presentem, per dominum patriarcham et Ecclesiam aquilegiensem seu eorum nominibus tenebantur sine alique jmpedimento ad manus et polestatem dicte Ecclesie, potevint devenire, et pervenient si ipsa capere volent, et ipsa tenere possint, prout tenebant et tenere poterant, anta presentem guerram in omni et tali jure possessionis et dominij quibus ante presentem guerram tenebantur. Ita quod per dictam occupationem et relationem vel expeditionem ipsarum terrarum vel alicuius earum nullus jus intelligatur de novo acquisitum auctum vel diminutum alicui ipsarum partium, nisi prout habebant ante presentem guerram, Exceptis a predictis omnibus et singulis Civitate tergesti, castris de mocho et mocholano, territorijs districtis villis et pertinentijs ipsius et ipsorum et cuiuslibet eorum cum omnibus fortilicijs et locis, que infra eorum continentur confines ei districtus, quam Civilatem comunitates et loca predicti sindici actores et procuratores domini ducis et comunis Veneciarum nomine antedicto liberant. et absolvunt. perpetuo ab omni jure possessionis et dominij, quam seu quod in dictis locis, vel aliquo eorum haberent et ab omni vinculo cuiuscunque homagij fidelitatis jurisdicionis et obbligationis alterius cuiuscunque quocunque nomine censeatur et qua dici vel excogitari possit, que seu per quam dicte Civitas et castra comunia terre et forent quocumque et qualiterumque lieto domino duci et comuni Veneciarum obbligata vel quomodolibet tenerentur, liberant et assolventes nos notarios infrascriptos tanquam pubblicas personas stipulantes et recipientes nomine et vice predictorum Civitatum, castrorum comunium universitatum et singularium personarum earumdum a predictis omnibus et singulis per acceptilationem et aquilanam stipulationem verbis legitimis et solemnibus interpositas, facientur nobis dictis notarijs ut supra recipientibus de predictis omnibus et singulis finem quietationem omnimodam liberationem et pactum de ulterius non patendo promittentes nobis dictis notarijs ut supra stipulantibus et recipientibus, nec non predictis venerabilibus et egregijs Sindicis actoribus procuratoribus ambaxiatoribus et nuntiis specialibus dicti domini Vicedomini ecclesie et capipituli aquilegiensis et patrie foroiulij nomine et vice dicti patriarchatus et Ecclesie aquilegiensis recipientibus, quod nula iu perpetuum vis causa molestia controversia vel requisitio fiet vel movebitur contra dictas Civitates castra comunia et personas nec contra dictum dominum patriarcham et ecclesiam aquilegiensem. in judicio nec extra de jure nec de facto publice vel oculte directe vel per indirectum, Exceptis et reservatis a predictis omnibus et singulis prestatione annua illius quantitatis vini ribolei et olei que per dictos venetos et Comune Venetiarum regalia appellantur. Que dicta Civitas et Comunitas tergesti dicto domino duci et Comuni Veneciarum solite et consuete sunt prestare, antequam dominus dux et Comune Venetiarum haberent dominium et possessionem et tenerent Civitatem tergesti. que prefato domino duci et Comuni Venetiarum prestari debeant predictis non obstantibus, prout et secundum quod Comune tergesti consuetum et solitum erat prestare, antequam Comune Venetiarum teneret et possideret dicta Civitatem tergesti. Et exceptis etiam quod dictis domino duci et Comuni Veneciarum et subditis et districtualibus eorumdem remaneant salva integra illibata et illes a jura mercandi libere et absque solutione alicuius pedagij dacij vel gabelle, seu alterius immpositionis cuiuscunque, ac transeundi, stendi et redeundi cum suis navigijs merci monijs atque rebus, que habebant in ipsa Civitate et territorio, eo modo et forma, et prout soliti et consueti erant, antequan dominus dux et Comune Venetiarum haberet dominium et possessionem et tenerent Civitatem tergesti. Et versa vice dicti dominus dux et Comune Venetiarum teneantur et debeant solvere et prestare omnia illa que soliti et consueti erant solvere et prestare Comuni tergesti et singularibus personis, si eis solvere vel prestare aliquid consueverent, Et jnsuper fuit actum inter dictas partes nominibus predictis, non obstantibus suprascriptis, quod omnes domus possessiones et bona jmmobilia singularium personarum subditarum dicti Comuni Venetiarum, quas habent in dicta Civitate et territorio tergesti et Castrorum locorum et districtuum predictorum, que tenebant et possidebant ante presentem guerram eisdem restituantur talia, qualia sint in eo jure possessionis et dominij quod habebant ante presentem guerram, et eo modo dictis tergestinis et districtualibus dictorum locorum restituantur omnes domus terre et possessiones, quas habebant ante presentem guerram in Veneciis territorijs et districtibus Comunis Venetiarum tales quales sunt, et restituantur in eo jure possessionis et dominii in quibus erant, ante presentem guerram, hoc acto et specialiter convento, inter dictas partes quod Sindici procuratores actores. ambaxiatores et nuncij speciales ecclesie aquilegiensis nomini et vice dicte Ecclesie promiserunt per solemnen stipulationem prescriptis sindicis et procuratoribus dictorum domino ducis et Comunis Venetiarum, stipulant et recipient nomine et vice dictorum domini ducis et Comuni Venetiarum se facturos et curaturos cum effectu, quod dictum Comune tergesti ratificabit et approbabit per publicum jnstrumentum suprascriptum capitulum infra duos menses a presenti die numerandos, sub pena in presenti pace apposita, que pena ipso facto Comuni Venetiarum applicetur et possit exigi cum effectu. et quod pro dicta pena possint conveniri, arrestari et detineri personaliter et realiter. acto et convento inter ipsas partes, quod omnes domus possessiones predia et bona immobilia partium predictarum et singularum personarum ipsarum, ante presentem guerram tenebantur que per ipsas partes et singulares personas ipsarum in eo statu in quo nunc sunt restituantur, hinc inde illis partibus et personis que ipsa tenebant ante presentem guerram. Et promittentes predicti sindici et procuratores actores et nuntii speciales judicarint nomine predicto per se suosque successores predicta omnia et singula et infrascripta nomine et vice consilij Comunis et universitatis et populi tergesti sponte et ex certa animi scientia nobilì et sapienti viro domino Raphayno de caresinis, cancellario Veneciarum sindico et procuratori prefacti jllustris domini, domini ducis et Comunis Veneciarum ad hec et alia exercenda specialiter constituto. ut constat instrumento sindicatus scripto manu leonardi de Anzollelis jmperiali autorictate notarij ac ducatus Venetiarum scribe. subscripto anno jndicione et die a me notario infrascripto viso et lecto, ibi presenti stipulanti et recipienti et vice prelibati domini domini ducis et Comunis Veneciarum et omnium quorum interest vel interesse posset promiserunt per se suosque successores perpetuo firma rata et grata habere tenere attendere et adimplere et non contrafacere vel venire per se vel per alium directe vel indirecte aliqua racione vel causa de jure vel de facto sub pena in dicta parte contenta, solemni stipulatione promissa, qua soluta vel non presens jnstrumentum suam obtineat fìrmitatem sub refectione damnorum et expensarum litis et extra, pro quibus omnibus et singulis attendendis et firmiter observandi antelicti Sindici sindicario nomine predictorum consilij comunis universitatis et populi tergesti et successorum suorum obligaverint omnia bona dicti comunis tergesti mobili et fixa presentia et futura. Exceptioni non facte dicte promissionis ratificationis approbationis et obbligationis condicioni sine causa vel ex iniusta causa et exceptioni doli mali et in factum fori privilegio et omni alij juri canonico civili et municipali dicti nominibus omnino remittantur, Mandaverint insuper et Rogaverint predicti sindici et procuratores utrius, dictis partis nominibus quod per me Simonem de Judicibus notarium infrascriptum et ser Johannem plumatio Jmperiali auctoritate notarium, de predictis conficerentur unum et plura publica instrumenta in eodem tenore.

Ego Simon de Judicibus Jmperiali auctoritate notarius ac Judex ordinarius · his omnibus interfui et de voluntate dictarum partium scripsi et Roboravi suprascripta.

Giovanni Cesca,
«Le Relazioni tra Trieste e Venezia sino al 1381»,
Druker & Tedeschi, 1881,
pagg. 233-241.