Il monastero di S. Remigio e S. Perpetua affitta per nove anni a Petrus Mottus e a suo fratello Antonio un terreno con cascina a Tirano. Nell'atto è citato Betino de Judicibus.

3003. Tirano, 11. Juni 1350
Das Kloster S.Remigio und S.Perpetua verpachtet an Petrus Mottus und dessen Bruder Antonius ein Grundstück mit Hofstatt in Tirano auf neun Jahre.

C. In nomine domini nostri Yesu Christi amen. Millesimo trecentesimo quinquagesimo, die veneris undecimo mensis iunii, indictione tercia. Convocato et congregato capitulo et conventu confratrum ecclesiarum sanctorum L Romerii, Perpetue et Pastoris1 sitarum in terratorio de Tirano in dicto terratorio de Tirano super lobium domus habitacionis ecclesie de sancta Perpetua, ubi soliti sunt sepius congregare, pro infrascriptis specialiter ordinandis, in quo ║ capitulo conventu et congregacione adfuerunt frater Bonolus dictus Caparolus de Gaudencia caniparius ad molandinos dictorum confratrum ipsarum ecclesiarum et frater Bertramus caniparius ad ecclesiam de sancta Perpetua, frater Pinallus de Tellio eius procurator ║ et frater Lafranchus de Grosio omnes confratres dictarum ecclesiarum, qui sut due partes et plus confratrum dictarum ecclesiarum omnes suis propriis nominibus et nomine alliorum confratrum capituli et conventus ipsarum ecclesiarum sanctorum Romerii et Perpetue de Tirano investiverunt iure et nomine locacionis ad fictum faciendum melliorando et non peyorando Petrum dictum Mottom filium quondam Alberti dicti Paracie de Sumuigo de Maze habitatorem Tirani recipientem pro se et suo nomine et nomine et ad partem Antonii fratris eius et filii predicti quondam Alberti dicti Paracie, nominative de pecia una terre sediminate et campive et ortive cum duabus domibus lignaminum et cum hera una et cum pergola una supra totum se tenentibus iacente in loco et terratorio de Tirano ultra pontem, ubi dicitur in Gera prope Cauadam, cui coheret a mane quod fuit Betini de Judicibus, a meridie a sero et a null(a hor)a via comunis, salvo tamen, si alliter vel allio modo reperientur coherentie, quod in hoc contractu locacionis semper recte intelligantur esse vere et iuste apposite, et hoc cum omnibus suis iuribus usibus et pertinenciis et uttillitatibus ingressibus et eggresibus et omnibus alliis iuribus intege dictis rebus locatis et dictis locatoribus spectantibus et pertinentibus et eorum racione et occaxione, ita ut decetero dictus Pet rus masarius et eius frater et eius heredes habeat teneat gaudeat et possideat dictas res locatas cum omnibus suis iuribus usibus et pertinenciis et uttillitatibus hinc ad sanctum Martinum proximum futurum et ultra ad annos novem proximos futuros et deinde ad voluntatem partium, et de ipsis faciat, quidquid facere voluerit et licet et possit facere de rebus locatis, sine alliqua contradictione suprascriptorum confratrum locatorum nec eorum susscessorum nec dicti capituli et conventus ipsarum ecclesiarum nec alterius persone comunis collegii capituli et universitatis. Quam quidem locacionem suprascripti confratres pro se et nomine alliorum confratrum capituli et conventus ipsa rum ecclesiarum promiserunt et convenerunt solempniter per stipulacionem obligando omnia bona dictorum capituli et confratrum pignori presentia et futura su pra scrip to Petro masario defendere et guarentare libere omni tempore ab omni homine et persona comuni collegio capitulo et universitate omnibus suis propriis dispendiis dampnis et interesse in omnem causam litis eventum suprascriptorum confratrum capituli et conventus et sine dampnis expensis et interesse suprascriptorum Petri et Antonii fratrum masariorum nec heredum eorum et in pena et cum pena tocius dampni et interesse solempni stipulacione promissa et deducta. Pro qua investitura et locacione prenominatus Petrus masarius promisit et convenit obligando se et omnia sua bona pignori presencia et futura suprascriptis confratribus pro se et nomine ut supra recipientibus nomine tocius capituli et conventus ipsarum ecclesiarum, ita quod eis vel canipariis dictarum domorum vel eorum nuntiis et procuratoribus ipsarum ecclesiarum dabit et solvet fictum omni anno in sancto Martino solidos duodecim imperialium in denariis numeratis et pullum unum bonum et sufficientem et hoc pro ficto et redditu suprascriptarum rerum locarum, et finito termino reddet et restituet dictas res locatas vacuas et expeditas cum omnibus expensis dampnis et interesse, que fient et curent pro predicto ficto petendo exigendo et habendo post quemlibet terminum et annum preteritum et pro predicta locacione restituenda, et hoc in predictis rebus tantum et non in allia re contra dictorum locatorum voluntatem, et quod liceat suprascriptis confratribus dicte domus dicto nomine ubique capere et personaliter detinere suprascriptum Petrum masarium et eius res et bona ubique accipere predari et contestare usque ad plenam solucionem et satisfactionem predictorum omnium et singulorum, renonciando omnibus statutis legibus et iuribus, quibus su pra scrip ti contrahentes se tueri possent a predictis. Actum ut supra. Interfuerunt ibi testes vocati et rogati Spag(n)olus filius quondam ser Fininberti de Carate de Grosupto, Dominicus dictus Niger filius quondam Morandi de Quadro de Ponte, Pontaschus filius quondam Romerii de Plazo de Ponte famuli dictorum confratrum, et pro secundis notariis Zohanninus filius quondam Laurentiiq) de Fretello de Burmio habitator Tirani.

(ST) Ego Gull(ielm)inus Bazus notarius de Tirano hanc cartam locacionis rogatus tradidi et scripsi melliorando laude sapientis scripsi.

Bearbeitet Von Lothar Deplazes,
Immacolata Saulle Hippenmeyer,
«Bündner Urkundenbuch»,
VI. Band, 1350–1369,
Herausgegeben Vom Staatsarchiv Graubünden,
Chur 2010,
pagg. 16-17.