Sul giuramento annuale al comune di Genova

Anno 1201

Ottone Iudex partecipa al giuramento annuale dei testimoni ufficiali del comune di Genova.

«Liber Iurium Ianuenses»,
Doc. CCCCXLIII.

Sulla convenzione con i signori da Passano

10 novembre 1211

Ottone Iudex è testimone in un atto del 10 novembre 1211 relativo a una convenzione stipulata con i signori da Passano.

585.

1211, novembre 10, Genova

Ruggero de Cagnanega, causidicus di Raniero Cotta, podestà di Genova, si impegna, per conto del Comune, all’osservanza della convenzione stipulata con i signori da Passano.

Conventio illorum de Paxano.

Rogerius de Cagnanega, causidicus domini Rainerii Cote, Ian(uensium) potestatis, de mandato et voluntate ipsius domini Rainerii nec non et totius consilii comunis Ianue, nomine ipsius comunis, vobis Rollando de Paxano, Francesco Provinciali, Rubaldalie et Oberto filio Dalfini, recipientibus pro vobis et ceteris dominis de Paxano et hominibus vestris, promittimus observare integre absque mutatione omnes infrascriptas conventiones, videlicet ut de cetero vos et heredes vestri cives sitis Ianue et honoribus civitatis concedimus vos habere et tenere homines vestros sicut habetis et tenetis et de cetero acquisiveritis a loco qui dicitur Nemolium ultra, quos homines vestros nulla dacita vel collecta gravabimus, sed vos pro vobis et hominibus vestris debebitis expendere et conferre ad servitia civitatis sicut alii cives pro libris duabus milibus tantum nec possit augeri contra vos vel imponi posse vestrum j vel hominum vestrorum ultra libras duo milia. Habeant etiam homines vestri plenam libertatem adducendi Ianuam vinum, oleum et ceteras merces et vendendi sicut cives Ianue nec possint aliquo gravamine onerari vel dacita nisi prout fient cives Ianue et homines de compagna Ianue. Compagnam Ianue intrare debetis vos et homines vestri et iurare sicut ceteri cives et facere sacramentum potestatis vel consulum comunis Ianue qui pro tempore fuerint, eo salvo quod homines vestri qui non sunt de compagna Ianue permaneant eo modo quo erant et sunt modo. Vos et possessiones vestras et bona omnia que nunc tenetis vel alius pro vobis seu de cetero acquisiveritis, exceptis hominibus qui licet sint de cetero acquisiti, tamen drictus comunis et redditus dare debeant sicut et ceteri qui non fuerint de compagna, tenebitur comune Ianue vobis defendere et manutenere contra omnes personas sicut et aliis civibus suis. Domos autem quas maiores vestri tenuerunt in civitate Ianue dabimus et trademus vobis et expediemus nisi probatum fuerit quod vos vel maiores vestri vendicionem fecissetis vel alienationem. Concordiam vel conventionem nullam faciet cum aliqua persona in qua non sitis sicut alii cives. Possitis autem eligere potestatem vel consules inter vos et de vobis vel unde volueritis ad audiendas et diffiniendas rationes vestras et hominum vestrorum, predicta potestate iurante vel consulibus omni anno precepta comunis Ianue in ordinatione consulum vel potestatis Ianue qui pro tempore fuerint antequam vestrum subeant iuramentum. In servitiis comunis Ianue vos et homines vestri ire debetis sicut alii cives Ianue et homines de compagna Ianue nec aliud gravamen vobis possit imponi, eo salvo quod si Ian(ue) civis conquestus fuerit de vobis et hominibus vestris, teneatur respondere et esse sub consulibus Ianue. Predicta omnia pro comuni Ianue promittimus vobis attendere et observare et per emendatores huius anni faciemus emendari quod comune Ianue teneatur observare predicta et non possit contravenire et in brevi compagne faciemus apponi quod omnes homines huius civitatis inde teneantur et si fuerint consiliatores, teneantur consiliari ut conventiones predicte firme semper maneant nec debeant contrarium consiliari et si consul fuerit, teneatur ea observare nec debeat contrarium operari. Insuper promittimus vobis quod faciemus iurare consules futuros ut omnia predicta conservent et per teneamini eis relinquemus ut non possint contravenire et quod ipsi successores suos consules vel pot(estates) teneantur similiter alligare et ita per temporis successionem usque in sempiternum. Actum Ianue, in capitulo. Testes Nicolaus Aurie, Guido Spinula, Obertus Ususmaris, Sorleonus Piper, Rubaldus Paxius, Otto Iudex et Ugolinus Mallonus. Anno dominice nativitatis millesimo CC°XI°, indictione XIIIIª, decima die novembris, inter terciam et nonam.

(S.T.) Ego Marchisius quondam Oberti de Domo, notarius sacri Imperii et iudex ordinarius, scripsi.

(S.T.) Ego Lantelmus, notarius sacri aa palatii, hoc exemplum extraxi et exemplavi ab autentico et originali instrumento manu Marchisii quondam Oberti de Domo notarii scripto, nichil addito vel diminuto preter litteram vel sillabam, sententia non mutata abreviationis causa, precepto domini Willelmi de Guilliençono, iudicis et assessoris domini Romedei Rusche, civitatis Ianue potestatis, et eius iussu propria manu subscripsi.

Società Ligure di Storia Patria,
«I Libri Iurium della Repubblica di Genova»,
Vol I/3, a cura di Dino Puncuh,
Genova 1998,
pagg. 316-318.